... كان باقي بكري ملي مشيتي وخليتيني صغيـــــر
مشيتي على غفلة وخليتيلي فقلبي حزن كبيــر
مشيتي بالزربة حيت ربي كتبلك عمر قصيـــر
مشيتي ضغيا وخليتيني نتساءل ونحير
بقيت غير جالس فالدارنتسنا ؛ ما فاهم والـــو
يما رجعات بوحدا بلا بيك ؛ ودموعا سالـــــو
شافتلي فعيني ؛ وقالتلي آولدي بابـاك مـــات
فمي تكوانسا تقهرت ؛ واختي الصغيرة بكــات
عقلي كان باقي صغير ؛ ما استوعبشي المعنى د الموت
كانشوف ناس غراب يبكيو ؛ و يمسحو دموع الخـــوت
كانشوف الباب مفتوح ؛ كانقول مع بالي دابا تفوت
كانشوفك فكل بيوت ؛ كنشوفك فكل قنوت
باقي عاقل كيف عمرت الدار بكا و نواح
عيون بكات من القلب؛ و عيون بكات دموع التمساح
و دغيا كلشي تقلب ؛ أحزان ولاو أفراح
فحال لي صافي بكينا ؛ و دموع براو الأجراح
---
فاتو ليام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
---
مشيتي من حياتي قبل ما ندرك نعرفك شكون تكون
مشيتي قبل ما ندركك ؛ نكبر نشوفو بنفس اللون
مشيتي و أنا بقيت فذكريات الطفولة مسجون
مشيتي و أنا بقيت عندي غير الظنون
كانظن كنتي مكافح ؛ كانظن كنتي صبار
كانظن حيت كنتي راجل ؛ بقينا مستورين فالدار
كانظن هادشي لي كانظن عاودوه لي خوتي و الحباب
كانظن بلي كانشبهليك ؛ يعني كنتي مهياب
فراغ لي خليتيه فحياتي كل نهار يكبر
نهار على نهار ؛ نفهم لغز و يبان لي سِّر
كلما فاتو سنين ؛ كل ما تمنيت تكون قريب
كلما شرقت شمس كا نحوقك ملي تغيب
كل لحظة فحياتي خليتي موطعك فيها خاوي
خليتي القلب مجروح ؛ جراح و لا دموع تداوي
ذكريات عطشانة و بوحدك كنتي الرَّاوي
كلما زدت كبرت كلما عرفتك شنو ساوي
---
فاتو ليام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
---
واخا ليام جرات و سنين مور بعطا تدبـال
عمرك غرقتي فبحر النسيان ؛ بقيتي فالبــال
بقيتي فالماضي حاضر و بنيتلك فيه تمثـال
حيت كلمة الأب ماشي غير كلمة تتقـــال
يمكن مشيتي بلا ما رجعتي لور و لو خطــوة
خاليتي حياتي كتاب و الصفحة ديالك عمرا تطوا
و كتبتي فيها بلي مشيتي بكري بلا نا تنـــوا
كبرتي فعيني كل كا زدت نضجت؛ و بقيتي قـدوة
كانتمنا تكون مفتاخر بيا و نكون عند حسن الظن
ملي يشكروني الناس و يقولوا هذاك ولد فـلان
و سماحلي اذا بسبابي دكرك بالشر لسان
و اذا قسرت فحقك حيت أنا غير انسان
هذي هي الدنيا ؛ و هذي سنة الحياة
كـــلشي فيـــنا يـــموت الا الــــذكــريـات
ورود ليوم كيف ورود البارح غذا تدبــال
حيت الحاضر هو الماضي في المستقبل
---
فاتو ليام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
مشيتي على غفلة وخليتيلي فقلبي حزن كبيــر
مشيتي بالزربة حيت ربي كتبلك عمر قصيـــر
مشيتي ضغيا وخليتيني نتساءل ونحير
بقيت غير جالس فالدارنتسنا ؛ ما فاهم والـــو
يما رجعات بوحدا بلا بيك ؛ ودموعا سالـــــو
شافتلي فعيني ؛ وقالتلي آولدي بابـاك مـــات
فمي تكوانسا تقهرت ؛ واختي الصغيرة بكــات
عقلي كان باقي صغير ؛ ما استوعبشي المعنى د الموت
كانشوف ناس غراب يبكيو ؛ و يمسحو دموع الخـــوت
كانشوف الباب مفتوح ؛ كانقول مع بالي دابا تفوت
كانشوفك فكل بيوت ؛ كنشوفك فكل قنوت
باقي عاقل كيف عمرت الدار بكا و نواح
عيون بكات من القلب؛ و عيون بكات دموع التمساح
و دغيا كلشي تقلب ؛ أحزان ولاو أفراح
فحال لي صافي بكينا ؛ و دموع براو الأجراح
---
فاتو ليام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
---
مشيتي من حياتي قبل ما ندرك نعرفك شكون تكون
مشيتي قبل ما ندركك ؛ نكبر نشوفو بنفس اللون
مشيتي و أنا بقيت فذكريات الطفولة مسجون
مشيتي و أنا بقيت عندي غير الظنون
كانظن كنتي مكافح ؛ كانظن كنتي صبار
كانظن حيت كنتي راجل ؛ بقينا مستورين فالدار
كانظن هادشي لي كانظن عاودوه لي خوتي و الحباب
كانظن بلي كانشبهليك ؛ يعني كنتي مهياب
فراغ لي خليتيه فحياتي كل نهار يكبر
نهار على نهار ؛ نفهم لغز و يبان لي سِّر
كلما فاتو سنين ؛ كل ما تمنيت تكون قريب
كلما شرقت شمس كا نحوقك ملي تغيب
كل لحظة فحياتي خليتي موطعك فيها خاوي
خليتي القلب مجروح ؛ جراح و لا دموع تداوي
ذكريات عطشانة و بوحدك كنتي الرَّاوي
كلما زدت كبرت كلما عرفتك شنو ساوي
---
فاتو ليام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
---
واخا ليام جرات و سنين مور بعطا تدبـال
عمرك غرقتي فبحر النسيان ؛ بقيتي فالبــال
بقيتي فالماضي حاضر و بنيتلك فيه تمثـال
حيت كلمة الأب ماشي غير كلمة تتقـــال
يمكن مشيتي بلا ما رجعتي لور و لو خطــوة
خاليتي حياتي كتاب و الصفحة ديالك عمرا تطوا
و كتبتي فيها بلي مشيتي بكري بلا نا تنـــوا
كبرتي فعيني كل كا زدت نضجت؛ و بقيتي قـدوة
كانتمنا تكون مفتاخر بيا و نكون عند حسن الظن
ملي يشكروني الناس و يقولوا هذاك ولد فـلان
و سماحلي اذا بسبابي دكرك بالشر لسان
و اذا قسرت فحقك حيت أنا غير انسان
هذي هي الدنيا ؛ و هذي سنة الحياة
كـــلشي فيـــنا يـــموت الا الــــذكــريـات
ورود ليوم كيف ورود البارح غذا تدبــال
حيت الحاضر هو الماضي في المستقبل
---
فاتو ليام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
ليست هناك تعليقات:
إرسال تعليق